السلام عليكم ورحمة الله وبركاته
ومربتين للكل شلونكم ... الحمدالله عيل
طبعا مثل ماانتوا عارفين انتهى موسم الربيع ولله الحمد ويانا الصيف باجوائه وخلينا الشتا والربيع بكل مايحمل من موسم حافل ... وخلونا اليوم نستعرض بعض هالمواقف اللي تصير في موسم الربيع بالكشتات اللي اتصير بالمخيمات ... طبعا سالفة المخيمات هذي عاده جبل عليها اهل الخليج ... حلوه هذي جبل ادري ... المهم وراح نتكلم اليوم عن المخيمات والاجواء المصاحبه لها في دولتنا الحبيبه الكويت ونتكلم شوي ونشوف شاللي عندنا وانشوف .. وانشوف شاللي عندنا ... ها مستعدين ؟؟؟ يالله نتوكل على الله
طبعا تعقد العزم واتروح تختار لك مكان في احد الصحاري المنتشره في ديرتنا الغاليه .. وكل واحد على هواه
اللي يبي يخيم في الصبيه واللي في كاظمه واللي يروح شمال فوق واللي ينزل تحت جنوب صوب النويصيب وميناء عبدالله والجليعه ... واللي يروح الدائري السابع واللي يروح بر مشرف سابقا وحاليا الصديق .. الخ الخ
طبعا بعد مااتخيم واتحط خيامك وتخلص عاد في اللي ينامون هناك طول العطله الربيعيه وفي منهم يروح كل يوم ويرجع بالليل وفي منهم اللي يروح كل نهاية اسبوع ليش ماادري خو اقعد ببيتكم ليش امخيم بعد؟ 
نبتدي المشوار ونروح بالطريج الى المخيم
طبعا تشوف اللي مخيمين بالقرب من الشارع العام وتحت اعمدة الكهرباء ذات الضغط العالي وهذي فيها خطر كبير بس للاسف العالم مايدركون هذا الخطر
ياعمري على علم الكويت يرفرف بالسما عالي ^_^
يؤسفني اشوف الطرابيل الزرق فوق الخيام اتقول قاعدين يشجعون المنتخب الله يهداهم هىهىهىهى
خو دام الخيمه ماتستحمل المطر اشتر غيرها ياخوي وبلا هالعباله ^_^ لا والفلم الحلو لما وانت نايم بوسط الخيمه واتصير عاصفه هوجاء بالليل ... ابي اذا فيك خير تقدر اتنام 
ماتسمع الا طربق طربق طربق اتقول امصعد حصان فوق الخيمه قاعد يهابد اللهم ياكافي .. بس يالله مو مشكله مقيوله على قولة خالد الملا جودي من الموجود صبي المدامع وين المروه وين صابر انا لاوين 
شاخباري بو حنان ... هذا للحين موجود ؟؟
المهم انكمل طريجنا ونروح في طريق ممطر ... تبدو الغنم فيه حولنا ... تمرح وترتع على جانب الطريق
كا يا شاوينا بيب بيب ... شاوي المطبه بيب بيب ... صيّح على امه بيب بيب ... يبيله طبّه بيب بيب
انزين ياويه الفلس ياشاوي المطبه مالقيت غير هالمكان حبكت يعني اتييب الغنم ملوتك عشان ياكلون من هالحشيش؟؟؟ تكفى يعني الحين هذا احسن مكان بالديره العالميه عشان غنمك يرعون فيه ؟؟
بالله يالك واحد عقله الله بالخير ومعطيك الدوسه اللي ماتشوف الا غبرة سيارته وراه ... ولف على غنمك وطشرهم شتسوي بالله ؟؟؟ شتقول حق امعزبك ؟؟؟ والله اتوقع يومها بيمشيك طراقات وفناقر وتسفّل وتتّفل لي المخفر عاد ولاتطلع المسافه بعيده من مكان الرعي لي المخفر يطيح حظك من الطراقات .. ولك تعتفس ملامح ويهك على ماتوصل ... يعني ياخوي روح ورى الشبك وايد اضمن لك
المهم نوصل للبر ههههههههههههههه
ونشوف بعض المخيمات السنعه وبعض المخيمات اللي مادري شلون صايره
ياسلاااااااااااااام على هالمنظر والله شي عجيب .. يااخي ترتاح نفسيا وانت قاعد في وسط هذا المكان
شوف الخضره حوالين المكان شي يبعث السرور في قلب كل مواطن خفير
وانشوف الحين هالمخيمات اللي في الصوره التاليه ... حشا اتقول قاعد في فريج مو بر
يعني طول ماانت قاعد بخيمتك وتسمع صوت السيارات ونننننننن مارين عليك والا عاد الارض القاحله من كثر الدوس عليها ... حتى العشب مستحي يطلع ... بس اهم مافي الموضوع الحمام كرمكم الله اللي طالع بالصوره
هههههههههه مشطرينه على كتر يعني ... لا والدبايّه قريبه منه ^_^ يويل اللي بيدش الحمام لووووووووووووول بالله ياك عمي بالليل وطب ودش بالحمام ههههههههههههههههههههه ..... لاتعليق 
نروح الحين ونشوف الفرق بين المخيم اللي شفتوه والمخيم الياي
أوفييييييييييييه بس ياحلو الجو يومها كان موطبيعي ... هني المخيمات السنعه مو الفريج اللي قبله ^_^
ممممممممممممممممممممممم مو اقولكم قاعد بسوق واجف حشا مو بر يبا هذا ... والله على هالمنظر وبرج التحرير جذي مبين اتقول جنك قاعد بسوق واجف
الحين خلصنا من الفرق بين بعض المخيمات السنعه واللي مادري شلون صايره
هذي نبتة النوير ... مو تدرون انواع الورد اللي يطلع عندنا بالكويت قليل جدا .. فماعندنا الا هالنوع المنتشر وبكثره
ونستانس لما نشوفه ^_^ اوكي مو مشكله هذا يعتبر فاصل اعلاني لما بين الفقرتين ترن ترن سيكشن ثيرتي ون ترن ترن
الحين خل نروح ونشوف بعض الشغلات اللي تصير في المخيمات من حركات واكشنات
وانشوف بعض الفرسان اللي في البراري
هذا فارس ازقرتي ههههههههههه ياعيني على الكشخه
وهذا فارس مو ازقرت موليّه ولايعرف الزقرتيه شلون صايره كلش ملش ... والله يابابو من شاف وقفة حصانك ماظن اتعرف الزقرتيه بالمره ... لا وطالعوا وقفة الحصان يعني امسوي اغراء حق الزباين .. اهو مالت على الشيسمونها ام الشيسمونها بس
اشفيك آل كابوني ؟؟؟ ... يالطيب ترى قاعد بالكويت مو بتكساس يالحبيب
بس الصراحه خووووش شي هم ازقرت الولد .. اهم شي دلاغات الحصان الحمرا ... جنهم دلاغات العايله ^_^
أصلـــــــــــي بو الشباب عااااااااااااااااااش شيخ القبيله ... جاكيت بو طربال وصروال مكسر ودلاغ رمادي اخيييييييييييييييييييييييه بس اخيييييييييييييييييييييييه
الحين خل نروح وانشوف بعض الشغلات اللي اييبونهم معاهم اصحاب المخيمات للتسليه وتقزورة الوقت في البر
سيارة على لاسيلكي .. حق التقحص والتشخط وتعليم الاطفال على اعمال الاستهتار والرعونه ^_^
لا بس ترى خوش لعبه في البر للتسليه فقط خو ماقلنا شي ثاني
الحين خل نشوف اللعبه الثانيه وهذي عجبتني الصراحه ^_^
طائره على لاسلكي ايضااااا 
هني لحظة اقلاع الطائره ...
حسبالكم صغيره ها ؟؟؟ لايبا عوده كبر الريّال 
وهني الأخ قاعد يسوي حركات يوقفها على نفس المكان مايخليها تطير اكثر واكثر بس جذي وغيرها من الحركات الجميله
وهني الطياره مقلعتن ومسفحتن في العلالي ههههههههههه
انروح الحين حق واحد ثاني ,,, وهالشاب هذا يايب باراشوت وقاعد يطير فيه فوق المخيمات هم حركه حلوه ^_^
ودي اعيش هالرحله واشوف شنو يشوف ^_^ ... بس تدرون شلون خلاص عزمت ان شاءالله الا اسوي مثله
وهني الشاب اللطيف يطير فوق المخيمات
فاصل إعلاني ونعود اليكم من جديد واخليكم تستمتعون في منظر عام من البر ساعة مالغروب يدش بالغيم والجبال
الحين نروح حق اهل البانشيات والسياكل ... يعني الشغله فيها الزين وفيها الشين .. الزين انه محد له شغل بغيره ويقعد يحوس عند مخيمه وايد ابرك له ... والشين لما هالعالم يأذون خلق الله ويقعدون يتحرشون في العالم واخرتها ياصاير لهم حادث ومتكسرين والا متهاوشين .. خو بلاها من الأساس وفكونا ^_^
المهم نروح ونشوف لما بعض الشباب يدشون في اخلاق بعض المخيمات ويغبرون ويسوون لويه مالها أول ولاتالي
وانشوف غيرهم لما اييبون سياكل الهارلي الامريكيه ويقعدون يفترون فيها بالبر ^_^
بس هارلي عن هارلي يفرق اظن مو ؟؟؟ 
هذيل هارلي بس حجم ولادي
بس تاير السيكل الخلفي عجيب ... هذا شسمونه بالون والا عديله ؟؟
على فكره ترى انا مالي بالسياكل ولالي شغل فيهم كلش ملش
انزين انا خابر الواحد اييب بانشيات حق البر هذا الحجي السليم مو ؟؟
بس تكفى شكو العالم اييبون الجت سكيز حق البر ؟؟؟؟
ها شكو يايبينهم بالله ؟؟؟؟ هذيل مو حق البحر ؟؟؟ انا هذا اللي اعرفه بس حق البر عمري ماشفت الصراحه ^_^ عموما المعنى في بطن الشاعر اللي اهو صاحب المخيم
خلونا نريح مره ثانيه مع فاصل اعلاني ونتمتع في بعض المناظر الخلابه من البر ونعود اليكم من جديد
وتبدأ الشمس بالمغيب ... ويزداد الجو برودتن .... على فكره ترى هذي مو بدليات بس لأني مالي خلق احط تنوين فأكتب جذي
وعاد من تغيب الشمس شتسوي ؟؟؟
مالك الا تندعس بخيمتك وتقعد تطالع التلفزيون والا تلعب جنجفه والا اتسويلك سمره محفوفه بينك وبين الاهل
محتويات الخيمه من الداخل ^_^
واذا كلش كلش مالقيت لك شغله
شب دوّة هالفحم وطيح له شوي من هالدياي واللحم والاشياء الأخرى وعليك بستين الف عافيه
طبعا في جم قطعة دياي للحين مو مستويه بس نطروا ان شاءالله راح يستوون ^_^
واذا خلصت من الشوي وتعشيت وخلصت ييب جراغياتك وشبهم تالي هالليل وسو ازعاج حق اللي حواليك
وفرقع يامفرقع وطاااااااااخ وطييييييييخ
والسلام ختام
هذي كانت رحلتنا للمخيمات الكويتيه في عطلة الربيع ان شاءالله تكونون قضيتم وقت ممتع وطيب بصحبة أخوكم HaMaD
تصوير وتعليق دندرن HaMaD